ڕۆمان: شانشینی ئەگباتان
نووسەر: نەبەز گۆران
ـ من ناهێڵم ئەم خەونە بمرێتـ کام خەون پاشام؟ـ خەونێک لە ناو هەر یەک لە ئێمەدا هەیە، لە باپیران و پاشایانی کۆنەوە بۆمان ماوەتەوە، ئەگەر ئەم خەونە کۆتایی پێ بێت، هەموو شتێک کۆتایی پێ دێت. لە ڕابردوودا خەونێکیان بینی کردیان بە ژیانی ڕاستەقینە، دەبێت بۆ هەمیشە بمێنێتەوە. ـ پێناچێت ئەو خەونە بەو ئاسانییە لە ناو بچێت، لەوانەیە لێرە و لەوێ گوێت لە هێندێک قسە بووبێت و ترسێکیان لە دڵتدا درووست کردبێت، یان خەونی پاشایەتی ترسناکت دیبێت، بەڵام ئەو خەونە نامرێت، کاڵ دەبێتەوە، بۆ ماوەیەک ون بێت، ئەمما سەرلەنوێ دەست پێدەکاتەوە. ـ نا…خەونی خەڵک وەک خەونی یەک کەس نییە، کە مرد سەدان ساڵی دەوێت تا زیندوو ببێتەوە.
