کۆ بەرهەمی مەلاجەمیل ڕۆژبەیانی(٦جڵدی)

کۆبەرهەمی مەلا جەمیل ڕۆژبەیانی
بەرگی یەکەم کۆمەڵێک كتێب و توێژینەوەی مێژوویی لەخۆ دەگرێت که بەشی هەرە زۆریان دەربارەی کورده، پاشان تورکمان و توركیا. بەرگی دووەم، “وڵاتەکەت باش‌تر بناسه” دەوروبەرى ٢٤٩ وتارى ڕاديۆيين دەربارەی شار و ناوچه جیاوازەکانی کوردستان. دەچنه خانەی وڵاتناسی و ساغ‌کردنەوەی مێژووی ناوچه و دەڤەرەکانی کوردستان. كتێبى سێيەم و چوارەم سەرجەم بابەتەکانی “مەلا جەمیل ڕۆژبەیانی”ن له گۆڤار و ڕۆژنامەکان، تێكڕاش ئەو بابەت و لێكۆڵينەوانەن له نزیكەی (۷۰) ساڵ کارکردنى له گۆڤار و ڕۆژنامه کوردییەکانی عێراق و دواتریش هەرێمی کوردستان‌دا بڵاوى كردوونەتەوه. كتێبى پێنجەم كۆمەڵە وتارێكی “مەلا جەمیل ڕۆژبەیانی”یه که زیاتر بابەتی مێژوویی به سەریان‌دا زاڵە و ئەوی دیکەی کەلەپوری كوردی و وتارى سياسى و ڕاديۆيين. لەم كتێبەدا هەڵوێسته له سەر چەند بابەتێکی گرنگ هەيه وەک نەورۆز، مێژووی تورکمان، كەركوک له دەورانی داگیرکاریی ئینگلیز و شیخ مەحموودی حەفيد و … هتد. كتێبى شەشەم و کۆتاییشی تایبەته به پوختەی مێژووی عێراق “کوردستان” و دەوڵەته دراوسێکانی.