کۆمەڵگای کوردی و پەرەسەندنی ناسرووشتی

تاکوو ئێستا یەکێک لە هۆکارە ناوخۆیی‌یەکان کە دەوری سەرەکیان هەبووە لە نەگەیشتنی کورد بە ئاستی دەوڵەت‌دا نەبوونی سیما و بنەماکانی یەکێتی و یەکبوونە کە لە پێکهاتەی کۆمەڵایەتی‌دا دامەزراوەکانی خێڵ و عەشیرەت وەکوو دامەزراوەی کۆمەڵایەتی سنوورداری ناوچەیی بە جۆرێک ڕاهاتوون کە بوون بە خاوەنی ستڕاتیژێک، کە ستڕاتیژی ژیانە لە سنوورێکی تەسک و دیاری‌کراودا و لە ژێر سایەی دەسەڵاتی ناوخۆدا کە ئەوەش بنەمای یەکگرتنەوە و یەکبوونی لاواز کردووە چوونکە لەو سنوورە تەسکەی دەسەڵاتی خێڵ‌دا، سەرخێڵ خۆی دەسەڵاتداری یەکەمە بەڵام لە یەکگرتنەوەدا بێگومان ئەو دەسەڵاتە لە دەست دەدەات و دەبێ ملکەچی دەسەڵاتی نەتەوەیی و دیسپلینی کۆمەڵایەتی بێت لە سەر ئاستی هەموو کۆمەڵگا.