پێنجەمین کتێبی خودا

ڕوانییە تاقەیەکی بچووک کە چەند کتێبێکی بە ڕێکی تێدا دانرابوون، لە تەنیشتیەوە وێنەی پیاوێکی کامڵ و تەسبێحێکی شووشەی مۆری پێدا شۆڕ کرابۆوە. وێنەکە بە ویقارەوە دەیڕوانی بێ ئەوەی هیچی لێ نووسرابێ. دیار بوو لەودیو وێنەکەوە ئاماژەیەک هەبوو، کە خاوەنەکەی مردووە

کاکۆ بڕوای وابوو ئەو کەسانەی دەمرن، هەر لەو لەحزەی کۆچەدا ئیدی وێنەکان، شێواز و ڕوانینیان دەگۆڕێت و مردن لەودیو چاوەکانیانەوە دەردەکەوێ.

(به‌شێک له‌ ده‌قی ڕۆمانه‌که‌)