داغستانی من

📚 داغستانی من
🔹نووسەر: ڕەسووڵ حەمزەتۆڤ
🔸وەرگێڕ: عەزیز گەردی
📝بابەت:ڕۆمان
“ئەو چەکەی پیاو یەک جار لە ژیان‌دا پێویستی پێ دەبێ، پێویستە بەدرێژایی تەمەنی پەیدای کردبێ”
منداڵێ لێرە ڕاکشاوە، ناوی باوکی لێیە. باوکی ئازا و ڕاستگۆ بوو، ئەمیش لە سەر ڕێی ئەو دەڕوات، ئەم منداڵە ناوی باوکی نازڕێنێ. خەنجەری باوکی لە سەر سەریەوە بە دیواردا هەڵواسراوە. لای‌لایەکانیش باسی قارەمانێتی باوکی دەکەن.
“نووسراوی سەر بێشکەیەک”
ئەسپە خورت و سەرکێش و دڵسۆزەکەم باش ناڵ کراوە. سمەکانیم پشکنیوە و ناڵەکانیم بەسەر کردۆتەوە. زینم کردووە و تەنگەم شەتەک داوە. پەنجەم بە بن تەنگەوە ناچێ. بەڵێ! ئەسپەکەم زۆر پوختە، بە زانایی، زین کراوە. کە جڵەوی ئەسپەکەم ڕادەکێشم و بە ناو گوندەکەمان‌دا بەرەو پەڕگەی دێ دەڕۆم،
بە لای هەر کەسێک‌دا ڕاببوورم لاڕێ دەبێ و ڕادەوەستێ و دەڵێ:”بەخێر بچیت”
لە پەڕگەی گوندەکەمان، کچێکی نازدارتر چرایەکی داگیرساو لە سەر لێوی پەنجەرەکەی دادەنێ، وەک ئەوەی کە پێم بڵێ:(( ئەم پەنجەرەیەت لە بیر نەچێ. ئەم چرایەت لە بیر نەچێ. تا دەگەڕێیتەوە ئەم چرایە هەر دەسووتێ، کە ڕێگەی دوورودرێژ دەبڕی و شەوی تووش و دژوارت دێتە پێش…