هەژار لە لووتکەدا

هەژار لە لووتکەدا

کتێبی هەژار لە لووتکەدا، گردوکۆیە لە سەر چالاکی و تێکۆشانی فەرهەنگی، ئەدەبی و کۆمەڵایەتیی مامۆستا هەژار، فەرەیدون حەکیم زادە دوای نزیک بە حەوت ساڵ بەدواداچوون و لێکۆڵینەوە، توانیوییەتی 24 وتار، 7 وتووێژ، 22 نامە، 10 پێشەکی لە سەر کتێبی نووسەران و چەندین نووسراوەی تر لە مامۆستا هەژار کۆ بکاتەوە کە بەدرێژایی تەمەنی نووسیوییەتی، دوای بەرهەمەکانی مامۆستا هەژار، ئەم کتێبە دەتوانێ گرینک ترین بەرهەم بێت بۆ ناسینی بیر و هزر و کەسایەتی هەژار موکریانی.

فەرهەنگ، هونەر، ئەدەب و …بەشێکی گرینگ لە ژیانی کۆمەڵایەتی هەر گەلێکن.

هەروەها ناسین و لێکۆڵینەوە بەدواداچوونی بەرهەمی لێکۆڵەران و نووسەران و کەسایەتییە فەرهەنگییەکان گرینگییەکی تایبەتی هەیە بۆ ناسینی کۆمەڵگا و لایەنە جۆراوجۆرەکانی و ئاگاداربوون لە چۆنییەتی پێشکەوتنی بواری زانستی و فەرهەنگی ئەم گەلەدا.

سەرەتا

لەمێژە کورد بەو قەناعەتە گەیشتووە کە دەبێ لە ڕابردوو و سەرگوریشتەی گەورەپیاوان و ژنانی هەڵکەوتە بە سووکی تێپەڕ نەبێ و بەسەرهاتەکانیان وەرد داتەوە تا ببێتە هۆی ڕێگا پێوان و گەیشتن بە ئاوات.

یەکێک لەو گەورە بیرمەندانە مامۆستا هەژارە کە بۆی هەیە بە دەیان و سەدان وتار و کتێبی لە سەر بنووسرێ و ێێستاش جێی هەر دەمێنێ.

مامۆستا هەژار بە سێ قۆناغ لە ژیان دا تێپەڕیوە، یەکەم قۆناغی ئەدەبییە، بە وتەیەک نووسینی شێعر و نووسراوە لە گۆڤارەکانی ساڵانی 22-25ی هەتاوی و 43-46ی زایینی تا دوایی.

دووهەم قۆناغی ژیانی چوونە ناو دونیای سیاسی بە چەشنی جیدی و جێگیربوون لە ڕیزی خەبات و بەرخۆدانی برایانی باشووری و هاوڕێیەتی لەگەڵ خوالێخۆشبوو مەلا مستەفا بارزانی.

سێهەم قۆناغ لە ژیانی ..