هەمایشی ناوچەیی هەژار

کتێبی هەمایشی ناوچەیی هەژار بەرهەمی هەمایشێکە کە ساڵی ۹۷ی هەتاویی لە لایان بنکەی فەرهەنگی، هونەری موکریانی مەهاباد واتە ئەنجومەن ئەدەبی بەڕێوە چوو. ئەو هەمایشە تەوەرگەلێکی وەک، مێتۆدۆلۆژی و فەرهەنگنووسی، وەرگێڕان، بەکارهێنانی زاراوەکانی زمانی کوردی، گێڕانەوەناسی لە چێشتی مجێوردا، مۆدێرنیسم و پێکهاتەی فکری هەژار ، جوانیناسی، دەوری حوجرە و خانەقا و … هتد لە بەرهەمەکانی هەژار موکریانی (عەبدولڕەحمان شەڕەفکەندی) لەخۆ گرتبوو، کە بە ناردنی وتاری زانستی لە لایان نووسەران، لێکۆڵەران و توێژەرانی بواری وێژە، ئەدەب، زمانناسی و فەلسەفە ئەو تەوەرانە کەوتنە بەرباس و شڕۆڤە و لێکدانەوەی زانستی.
کتێبی هەمایشی ناوچەیی هەژار لەخۆگری هەشت وتاری کوردی و چوار وتاری فارسییه کە لە لایان لێژنەی زانستی هەمایش هەڵبژێردرابوون.