مژاباد

گەلۆ موژدە لە شنۆ چی دەکات؟ من ناوی ئەوم لە سەر قۆنداغی تفەنگەکەم هەڵکۆڵیوە. هەر کاتێک فرسەت دێنم قۆنداغی تفەنگەکەم ماچ دەکەم، ئەمڕۆ خورشید مزووری…منی بینی کە تفەنگەکەم ڕادەمووسم، هاتە بەردەمم و ڕوانییە قۆنداغی تفەنگەکەم: ـ ئەوە چ تفەنگێکە بادین؟ من مارتینی و مانلشەر و بڕنۆم بینیون، بەڵام موژدە! توخودا ئەمە ماڵی کێیە ئەم تفەنگە؟ـ ماڵی ئەڤینە، ماڵی وێرانەی دڵە خورشید، ماڵی ئومێدی بەدینەهاتوو و ئەو خەونانەن کە هەر خەون دەبن. من وەڵامی ئەوەم دایەوە و دوور ڕۆیشتم. وا دیارە ئەو ڕۆژانەی ئێمە لە نێو ئەو زنار و بەرزیانەدا بێ هوودە دەڕۆن، من دەگەڕێمەوە مەهاباد، تفەنگی بێ تەقین و دڵی بێ‌ئەڤین ژەنگاوی دەبن.