ساڵەکانی پڕ لە کارەسات

ساڵەکانی پڕ لە کارەسات

ڕۆمانی ساڵەکانی پڕ لە کارەسات ( سال های ابری) عەلی ئەشرەف دەروێشیان بە باوەڕی زۆرێک لە شارەزایانی بواری وێژەی فارسی یەکێک لە باش ترین ڕۆمانەکان لە شێوازی ڕێئالیستی دایە.

خوێنەر بە خوێندنەوەی (ساڵەکانی پڕ لە کارەسات) چەند لاپەڕەیەک لەم ڕۆمانە زۆر بەخێرایی تێ دەگات کە نووسەری ئەم شاکارەی ئەدەبیاتی فارسی کەسێکی کوردە و لە دووتوێی ئەم ڕۆمانەدا بە دەیان و سەدان وشە و مەتەڵی کوردی وەبەرچاو دەکەون کە تێگەیشتن و دەرک پێ کردنیان لەوانەیە بۆ خوێنەری ‌غەیری کورد ئاسان نەبێت.

ئەمە جگە لەوەیە کە زۆربەی چیرۆکەکە و ئەو ڕووداوانەی کە باس دەکرێن لە بەستەرێکی کوردانە و تایبەت بە ناوچەکانی باشووری ڕوژهەڵاتی کوردستان ڕەوایەت دەکرێن و خوێنەری کورد بە ئاسانی دەتوانێت خۆی لەناو ئەو بەشە تایبەتە کۆمەڵایەتی و کولتوورییەدا بناسێتەوە.

هەر چەند عەلی ئەشرەف دەروێشیان بە فەرمی ناڵێت ئەمە چیرۆکی ژیانی خۆمە و ڕاست ژیاننامەی منە

بەڵام بە باوەڕی زۆربەی شارەزایانی بواری ئەدەب و ژیانی دەروێشیان ئەم بەرهەمە ژیاننامەی نووسەرە و شەریف بۆ خۆیەتی و لە دووتوێی ئەم نووسراوەدا باس لە ژیانی خۆی و بنەماڵەکەی دەکات.

ئەم کتێبە وێڕای وەرگێڕانی بۆ سەر زمانی کوردی، کورتیش کراوەتەوە، لە کورت کردنەوەی کتێبەکەدا حەول دراوە خەسار بە ناوەرۆکی سەرەکی ڕۆمانەکە نەگات، کورت کردنەوەی ڕۆمانە بڵیندەکان بە ئامانجی زیاتر خوێندنەوەی کتێب ئەنجام دەردێت.

ئەم کتێبە ئێستا لە ژین بووک بەردەستە و دەتوانن داوای بکەن.